Шон Пен има нова девојка, 20 години помлада од него, се прошетаа низ Рим

by Fokus

Холивудскиот актер Шон Пен е „уловен“ на улиците во Рим како се шета со својата нова избраничка, актерката Олга Короткова.

Пен не се воздржа и уживаше во гушкање, бакнување и гушкање со својата девојка во јавност. Двојката уживаше во шопинг и беа видени како посетуваат луксузни продавници за накит.

И двајцата избраа лежерни, опуштени комбинации – Шон Пен носеше фармерки и црна, памучна маичка и спортска капа, додека Олга се одлучи за фармерки и бела атлетска маица и црн кожен ремен и црна чанта.

Парот за првпат беше виден заедно минатата недела на романтична вечера во Малибу, а со овој излет ја потврдија својата љубов. Не се знае кога ја започнале својата романса, ниту колку долго се познаваат, но странските медиуми шпекулираат дека станува збор за нова врска, со оглед на тоа што актерот во јануари е виден во Лос Анџелес на состанок со 33-годишната Тарка Расел.

Но, изгледа дека славниот 62-годишник ужива во својата нова љубов, и дека двајцата се на седмо небо.

Инаку, тој е точно 20 години постар од Олга, а оваа бринета е и актерка и е најпозната по улогите во филмовите „Le bonheur“ од 2013 година, „Banking District“ од 2017 година и „Blast“ од 2021 година.

Поврзани новости