На самото езеро Треска не се работи ништо, туку во неговата околина, каде се реализира Деталниот урбанистички план, изјави денеска градоначалникот на Скопје, Петре Шилегов.
-На самото езерце не се работи, туку во неговата околина, односно нејзино урбанизирање. Некогаш некои политички структури заради личен политички интерес пренесуваат и прикажуваат лажна состојба дека се уништува езерото и дека нешто се случува со самото езеро. Не се случува ништо во самото езеро, туку со околината и се реализира деталниот урбанистички план. Мое мислење е дека треба да се работи за граѓаните, на граѓаните треба да им се презентира пред било што биде започнато за да не дојде до ненакви збрки. И на сопствениците на приколки кои се таму со децении од целиот тој концепт може да се најде доволно простор, рече Шилегов.
Тој додава дека во изборната кампања на локалните избори кажал дека преку јавно-приватно партнерство има намера да го врати во функција езерото.
– Во изборната кампања тогаш кажавме дека ќе влеземе ревитализација и враќање на езерото Треска преку приватно-јавно партнерство. Тоа нешто во моментот се случува. Од тоа што сум известен, урбанистите на градоначалникот на Општина Сарај беа ковид позитивни и затоа не можеше да биде извршена презентација. Мислам дека во текот на утрешниот или задутрешниот ден ќе се вратат на работа и би било добро да биде презентиран делатниот урбанистички план на граќѓаните со цел тие да имаат претстава за што всушност станува збор, рече Шилегов.