Министерката за одбрана, Радмила Шекеринска смета дека Македонија ги направила сите реформи за почеток на преговорите со ЕУ и додаде дека проблемите наскороќе ги претворат во успех.
„За нас никогаш ништо не одело лесно. Направивме се’ и заслуживме почеток на преговорите со Европската Унија. Од соседите направивме сојузници, од најмоќните во Европа гласни поборници за отворање на преговорите. И повторно не оди лесно. Ве повикувам сите, секој од вас поединечно со свој пример да покаже дека НИЕ СМЕ ЕВРОПА.Заеднички да продолжиме да покажуваме пред цела Европа што значат европските вредности и како се работи на нив. Ја внесовме земјата во НАТО. Со чист мандат уште еднаш ќе покажеме дека знаеме проблемите да ги претвориме во успех!“, напиша Шекеринска на својот профил.