Шекеринска: Можеме со непробојни врати да го затвориме Куманово, но ако не се заштитувате, ниеден карантин нема да ве спаси

Министерката за одбрана, Радмила Шекеринската рече дека затворањето на Куманово каде што има голем број заболени, ќе значи трошење многу ресурси, а нема да го реши проблемот.

– Единствениот лек и инструмент, кој што го кажуваат сите експерти е социјалното и физичко дистанцирање на повеќе од два метри. Ние можеме со непробојни врати да го затвориме Куманово, ама ако излезете по кумановските улици и ако повторно видите гужва пред банки, маркети, во парк, луѓе кои не се заштитуваат дополнително со опрема, ниеден карантин нема да ве спаси од болеста, рече Шекеринска.