Шеќеринска: Груевски не сака амнестија само за 27 април, туку за сите случаи на СЈО

Никола Груевски вели дека ќе бара амнестија за 27 април, меѓутоа мислам дека неговата вистинска цел е да го направи тоа што не му успеа минатата година – генерална амнестија за сите случаи коишто се поврзани со СЈО.

Ова го изјави заменик-претседателот на СДСМ и министер за одбрана, Радмила Шеќеринска, во интервју за емисијата „360 степени“, емитувана на телевизијата Алсат-М.

-Првиот пат тоа се обиде да го направи преку Иванов, сега сака преку нас да го направи. Тој не се бори за своите партиски колеги, туку само за себе – вели Шеќеринска.