Шефовите на дипломатијата на земјите од Г-7 бараат да се зголеми притисокот врз Русија

by fokus 16:34
16:34

Министрите за надворешни работи на Г-7 денеска ќе разговараат во Торонто за интензивирање на притисокот врз Русија, но, на дневен ред не се нови санкции против Москва.

Министрите за време на дводневната конференција ќе расправаат за ситуацијата на Корејскиот полуостров, Сирија, Блискиот Исток и Венецуела, како и за подготовките за самитот на лидерите на Г-7 во Канада во почетокот на јуни. Групата ја сочинуваат: САД, Велика Британија, Канада, Германија, Франција, Италија и Јапонија.

Овие земји се особено загрижени за начинот на кој Русија делува во некои кризни региони, а особено поради нападот со нервен агенс на Сергеј Скрипал и неговата ќерка Јулија во Велика Британија.

– Треба да најдеме заеднички одговор на тоа, вели неименуван извор за американски медиуми.

На состанокот ќе присуствува и украинскиот министер за надворешни работи Павло Климкин.

САД, со оглед на тоа дека Мајк Помпео се уште не е официјално избран за државен секретар, ќе ги претставува Џон Саливан.

Поврзани новости