Шарената револуција утре со протест во Скопје

by fokus

„Шарената револуција“ за утре во 19 часот најави нов протест кој ќе одржи пред зградата на Специјалното јавно обвинителство.

Преку својата страница на „Фејсбук“, граѓанската организација побара Уставниот суд да се произнесе за уставноста на Специјалното јавно обвинителство и на тој начин да се овозможи да одговараат сите функционери кои преземале криминални дејствија.

„Ова го бараат граѓаните, заедниците и политичките фактори кои се борат за демократизација на Република Македонија. Заштитата на СЈО е гаранција дека ќе има правда во Македонија, но власта и Уставниот суд упорно се противат на волјата на граѓаните и подготвуваат опасен план за криминалот да продолжи да владее. Затоа, протестираме против овој режим! Протестираме за да има правда! Протестираме за одбрана на СЈО! Протестираме во среда, 6 јули, 19 часот, пред нашата тврдина – Специјалното јавно обвинителство!“, пишува во најавата за протестот.

Поврзани новости