Северна Кореја истрела проектил, само неколку часа откако го критикуваше притисокот на САД за нови санкции, поради неодамнешното лансирање на ракетата како „провокација“ и предупреди на силна реакција.
Здружениот штаб на Јужна Кореја соопшти дека Северна Кореја лансирала неидентификувана ракета, без да соопшти дополнителни детали.
Јапонската крајбрежна стража исто така соопшти дека Северна Кореја истрелала нешто што може да биде балистичка ракета.
Северна Кореја ги брани своите ракетни експерименти како легитимно право на самоодбрана и вели дека САД намерно предизвикале ескалација на ситуацијата со воведување нови санкции, објавија државните медиуми, цитирајќи го Министерството за надворешни работи.
– Неодамнешниот развој на нов тип оружје на Северна Кореја е само дел од нејзините напори за модернизација на одбранбените капацитети и не е насочен кон ниту една земја или безбедноста на соседните земји – се вели во соопштението на Министерството за надворешни работи на таа земја.