Семејствата од „Детонатор“: Никола, ти си криминалецот

by Фокус 13:13
13:13

Семејствата на осудените во акцијата „Детонатор“ напишаа писмо до премиерот Груевски поттикнати од извештајот на Прибе. Го потсетуваат на нивниот случај и укажуваат дека осудените се невини. Во писмото се наведува:

-Никола, те „ДЕТОНИРАШЕ„ ли Специјалниот извештај на Рајнхард Прибе? Како Никола дозволи да се изготви еден таков „МРАЧЕН МАНИФЕСТ„  за тебе, цару наш?

- Advertisements -

Ти Никола, кој ги остави нашите деца без трошка леб, кој ни го замрзна целиот живот, им ги замрзна сметките на малолетните деца и нивните мајки, баби и дедовци, нормално без да ти чуе, ти Никола кој ги затвори нашите синови, татковци, браќа и сопрузи нарекувајки ги КРИМИНАЛЦИ, како ти Никола се чувствуваш сега, кога сите релевантни фактори на оваа планета ти кажаа во очи дека ти, Никола си КРИМИНАЛЕЦОТ???

Прибе ли е „мрачната сила„ која те демнее ноќе и дење? Прибе ли ти е крив што затвараше и сееше страв со твојот братучед таму каде што ќе ти прфнеше на умот? Или мрачниот Стејт Департмент е виновен за твојата беда?

Не Никола, сам си си крив и сам ќе си одиш, сега или покасно, а нека те обезбедуваат до бесвест твоите чујни и почујни бодигарди Иво Павлов и Дацо Белски!!! Иво, кој сакаше да стане газда без да вложи еден денар во фирмите на осудените ДЕТОНАТОРЦИ, кои ти сега по казна за непослушноста ги затвори и замрзна за век и веков, и Дацо кој ги рекетираше „непослушните одметници„  а кој е во елитата бодигарди на твојот братучед!

Иво Павлов – ТВОЈОТ БОДИГАРД кој со административна плата купи стан од 120 метри квадратни во зградата на Горде, Ставре, Силванева Бонева и остала клика, прв ќе го напушти твојот брод Никола, зошто ние од село си го знаеме, зошто си е вртикапа по гени и педигре!!!

Но Никола, едно да си знаеш, ПРАВДАТА ти тропа на врата Никола, ама онаа вистинската, не лажната што ти преку твоите „покорни слуги„ ја делеше над невиниот народ!

И едно да знаеш Никола, ние, семејствата на невините ДЕТОНАТОРЦИ, обесправени, понижени и маргинализирани,  имаме значаен удел во Извештајот на Прибе,  Никола, ние сме тие кои 24/7 пишувавме до сите релевантни меѓународни фактори за неправдата што ти ни ја нанесе, до сите меѓународни асоцијации за заштита на човековите права и слободи, до сите амбасади на влијателните држави кои имаат свое послаништво во оваа наша чудесна Македонија.

Кога го читаме Извештајот, се читаме самите себеси меѓу редовите на Прибе!

Делот за Народниот правобранител е лично наш дел Никола, наш и на неколкуте на кои им помогнавме да тргнат по нашиот пат!!!

Каменот од блиску доаѓа Никола…

 

Поврзани новости