„Секјуриком“, која неодамна доби кривична пријава од Финансиска полиција, сега доби тендер од МВР

by fokus 12:37
12:37

По еден месец откако компанијата „Секјуриком“, односно нејзиниот сопственик и управител, доби кривична пријава од Финансиската полиција, доби и тендер од Министерството за внатрешни работи (МВР), во вредност од речиси 36.000 евра.

Склучениот договор денеска беше објавен на сајтот на Бирото за јавни набавки, а бил потпишан на 25 април годинава. Во него се појаснува дека МВР набавува  „Услуги за чистење на објекти и услуги за управување со имот“, во период од 14 месеци. Во појаснувањето е наведено и дека е избрана компанијата која понудила најниска цена.

- Advertisements -

Во март, пак, Финансиската полиција поднесе две кривични пријави во врска со сомнителниот тендер за чистење на Владата од 2015 година, но сепак компанијата продолжи да функционира и да учествува на тендери. Кривичните пријави беа поднесени за екс-директорот на Службата за општи и заеднички работи на Владата (СОЗР), Васе Доневски и на управителот и сопственикот на „Секјуриком“.

Сомнежот е дека тендерот за чистење на Владата и на владините простории во износ од 10,7 милиони евра бил спроведен на начин со кој се елиминира конкуренцијата.

Поврзани новости