Седум судии од седум држави ја донесоа одлуката за спас на предметите на СЈО

by fokus

Судот за човекови права во Стразбур денеска ја објави одлуката по поднесените апликации на екс функционерите од ВМРО-ДПМНЕ, со кои бараа да им се уважи аболицијата која им ја даде екс претседателот Ѓорге Иванов, а во што гледаа спас од предметите на СЈО.

Судот во Стразбур одлучи дека жалбите на поранешните политичари и функционери се недопуштени, односно преуранети, бидејќи најпрвин требало да бидат исцрпени сите правни лекови пред домашните судови.

Во решението пишува дека одлуката ја донел совет од седум судии и тоа: претседателот на советот Арнфин Бардшен од Норвешка, Паулин Коскело од Финска, Тим Ајке од Велика Британија, Садет Јуксел од Турција, Лорејн Шембри Орланд од Малта, Фредерик Кренц од Белгија и Дијана Сарку од Молдавија.

В.В.

Поврзани новости