Седативите да се субвенционираат, оти сме рекордери во нивно користење, бараат од „Суперхикс“

by Fokus

Музичката група „Суперхикс“ го промовираше новит сингл „Добар човек“, како најава за нивниот албум „Банда Инструментале“, а со видеото упатија и апел до Министерството за здравство. Како што објавија на својата страница, тие бараат министерството да ги субвенционира сите антдепресиви и смирувачки лекови во земјава.

-Заедно со синглот ,,Суперхикс” упатуваат апел и предлог до Министерството за здравство и сите останати релевантни установи да се субвенционираат сите антидепресиви и релаксирачко/смирувачки медикаменти. Македонија е рекордер по сите параметри за користење на антидепресиви и седативи по глава на жител, па со ова значително би им се олеснило на корисниците, а за жал ги има илјадници. Очекуваме одговор – час поскоро!- објавија од бендот.

Во „Добар човек“ се пее за личност која е смирена и на која се и рамно, и се спомнуваат лекарства за смирување како лексилиум, дијазепам, апаурин…

Музиката, текстот и аранжманот на новата песна се на „Суперхикс“, а видео анимацијата е авторско дело на младите Александар Несторовски и Меланија Димоска. Материјалот бил снимен во студио Тра ла ла, на Мите Димовски.

Вики Клинчарова

Поврзани новости