Се спрема ли контрапротест пред Владата?

by Фокус 11:34
11:34

Владата денеска организира отворен ден за граѓаните, истовремено кога студентите организираат  протест во 14 часот пред зградата на извршната власт. Целта на овој владин проект е граѓаните подобро да се запознаат со работата на владата и да поразговараат со премиерот и министрите.

Владата за граѓаните ќе биде отворена од десет часот наутро до пет часот попладне, што значи дека истовремено пред зградата на извршната власт ќе се најдат и граѓаните кои сакаат да поразговараат со државниот врв, но и студентите, средношколците, професорите и сите оние кои сакаат да им дадат поддршка на идните академски граѓани, кои со месеци водат битка против воведувањето на државен испит на факултетите.

- Advertising -

„Фокус“ се потруди да контактира со портпаролот на владата, Александар Ѓорѓиев, за да го прашаме зошто истиот ден е закажан отворен ден со граѓаните, кога студентите одлучија да протестираат пред владината зграда, но тој не одговараше на нашите телефонски повици.

Поврзани новости