Се раздвижува политичката сцена. Како што ми се гледа мене, во тек е процес на дистанцирање…, искоментирал на својот Фејсбук профил пред речиси 20 часа поранешниот потпретседател на СДСМ, Зоран Јовановски.
Неговиот коментар доаѓа во период кога се шпекулира дека поранешниот лидер на СДСМ, Бранко Црвенковски ќе формира нова партија. Токму Јовановски му беше противкандидат на сегашниот лидер на СДСМ, Зоран Заев на внатрепартиските избори во 2013 година и беше фаворит на Црвенковски.
Откако Заев беше избран за лидер и Јовановски и Црвенковски се повлекоа од политиката, а Црвенковски досега единствено реагираше по контроверзното интервју на Заев за БГНЕС и најави дека го замрзнува членството во СДСМ.
Од кабинетот на Црвенковски официјално не ги коментираат шпекулациите за формирање на нова партија, а Заев овие информации ги нарече приказни во кои не верува.