Се огласи Иванов: Гласајте по сопствено уверување

by fokus 15:08
15:08

Претседателот Ѓорге Иванов ги повика граѓаните во недела да излезат и да го остварат правото на глас и да ја исполнат граѓанската должност.

-Повикувам да гласате по сопствено убедување и да ја дадете довербата на онаа политичка партија и опција за која верувате дека е најдобриот избор за вас и за Република Македонија. Ги повикувам сите кои се вклучени во изборниот процес да покажат достојно ниво на политичка култура и да го почитуваат Уставот и законите на Република Македонија. Ги повикувам надлежните институции задолжени за регуларноста на изборниот процес да дејствуваат согласно законските норми и правила. Да не подлежат на никакви притисоци и да немаат толеранција, ниту милост за оние, кои на каков било начин, ќе се обидат да го попречат, или нарушат изборниот процес, рече Иванов.

- Advertisements -

Тој очекува дека во демократска атмосфера на 11 декември едногласно ќе биде поздравена и признаена волјата на граѓаните, која ќе го означи „почетокот на крајот на политичката криза и ќе претставува почеток на национално помирување во Република Македонија“.

Поврзани новости