Се одложи судењето против Слободан Богоевски

by fokus 11:01
11:01

Се одложи денешното судско рочиште за тужбата на лидерот на ДУИ Али Ахмети и Муса Џафери против ексразузнавачот Слободан Богоевски. Адвокатката Билјана Панова, која беше повикана како сведок одби да сведочи повикуваќи се на нејзиното право на тајност, а нотарот Сашо Клисаровски кој исто така беше повикан на судењето, не дојде – бил на годишен одмор.

Ахмети и Џафери го тужат ексразузнавачот Богоевски за клевета поради неговото сведоштво во судот во Њујорк за случајот „Маѓар Телеком“.

- Advertisements -

Претходно судот прифати за сведоци да ги повика адвокатката Билјана Панова, нотарот Сашо Клисаровски и преведувачката пред кои наводно е дадена, односно заверена изјавата која била користена за потребите на постапката во САД, па оттука, Ахмети и Џафери ќе докажуваат дека изјавата била дадена во Скопје и за тоа е надлежен скопскиот суд, а не на екстериторија во Амбасадата на САД во Скопје.

Адвокатката Панова се повика на закон и одби да сведочи пред Судот објаснувајќи дека се што било кажано во нејзино присуство мора да го штити, како и правото на клиентот кој сведочел.

Како отштета во овие процеси Ахмети побара 3 милиони денари, а Џафери 2,5 милиони денари.

Рочиштето се одложи за 4 јули, а како сведок Судот ќе го повика и нотарот пред кого Богоевски го дал исказот за можни злоупотреби во случајот „Маѓар Телеком“.

 

Поврзани новости