СДСМ: Законот за финансирање на партиите е со консензус и по препорака на невладините

by fokus 20:12
20:12

Законот за финансирање на политичките партии е донесен со консензус на сите партии и е во насока на намалување на зависноста на партиите од донации, тврдат денеска од СДСМ.

-Агенцијата за аудио и аудиовизуелни медиумски услуги присуствуваше на сите работни состаноци со ОБСЕ на кои се разговараше за измените и не беше забележано никакво противење на АВМУ по однос на измените.  Постигнатото решение е во насока на препораките содржани во блупринт документот изработен од невладините организации кадешто се предлага целосно финансирање на партиите од Буџетот на Република Македонија. Во однос на медиумското претставување, независните кандидати имаат шанса да бидат претставени како што тоа се правеше досега, но сепак како партија, подготвени сме да разгледаме алтернативни решенија и да предложиме амандмани на Законот. Со оглед на фактот дека лажните вести и говорот на омраза се најзастапени на електронските портали, а досега АВМУ не превзеде ништо во однос на тоа, во Законот се предлага порталите коишто сакаат да објавуваат платена политичка програма, претходно треба да се пријават во ДИК и да пријават ценовник којшто ќе биде еднаков за сите политички партии, велат од СДСМ.

- Advertisements -

 

Поврзани новости