СДСМ: За една година отворени се над 26.000 работни места

by fokus 11:03
11:03

„Напредокот во евроинтеграциите, процесот на ратифицикација за пристапување и извесното членство во НАТО позитивно влијаат врз економијата. По години изолација, економска стагнација и неизвосност, државата тргна во вистински правец а економијата е стабилиизрана и раздвижена“, се вели во соопштението на СДСМ.

-Последен доказ за тоа е податокот за раст на индустриското производство во првите два месеци од годинава. По растот во 2018 година што е највисок раст на индустриското производство во последните седум години, индустријата продолжува да расте и во 2019 година. Растот на индустријата за периодот јануари-февруари 2019 е за 9.6 отсто повисок во однос на истиот период од минатата година.

- Advertisements -

Истовремено, во 2018 забележан е рекорден износ на странски инвестиции од 624,5 милиони евра во 2018 што е четири пати повеќе споредено со 2017 година. За само една година отворени се над 26.000 работни места, стапката на невработеност е под 20 отсто што е историски најниско ниво.

Ова се само дел од податоците што покажуваат дека економијата, државата, чекорат напред кон раст и развој и враќање назад нема. Со влезот во НАТО и интеграцијата во ЕУ, дополнително ќе се интензивираат позитивните економски трендови. Владата предводена од СДСМ продолжува со спроведување на мерките што обезбедуваат економски раст, нови работни места, нови инвестиции, повеќе пари и повисок животен стандард за сите граѓани, велат од СДСМ.

Поврзани новости