СДСМ: Вработени од МВР исполнувале партиски нарачки Охрид

by Фокус 19:59
19:59

Во разговорите кои предмалку беа објавени, според СДСМ, се докажува како вработени во МВР се користат за партиски цели за време на избори, а потоа се штитат да не одговараат.

Поточно СДСМ објави разговор, кои според нив, се водат меѓу министерката Гордана Јанкулоска и Мартин Протогер, во кој Протогер ја информира министерката дека собрал петмина вработени во МВР, да вршат партиски работи во Охрид, односно, како што вели, да им го држат стравот и на нивните, а министерката му забележува, како можел да ги избере најголемите, како што рече, багабонди.

- Advertising -

Потоа во наредниот разговор, Мартин истакнува дека ангажираните луѓе од МВР направиле престап, па бара од министерката случајот да се среди, бидејќи бил пријавен во Внатрешна контрола. Потоа и министерката Јанкулоска се јавува на извесна Ане, да ја потсети да ја завршат работата како што треба, односно да излезат чисти. Од соговорничката добива потврда дека, цитирам: „се разбира нашите мора да бидат чисти“.

Поврзани новости