СДСМ: Во Берлин Груевски доби порака да преговара со опозицијата

by Фокус 13:47
13:47

Во заклучоците од оваа прва конференција за Западен Балкан, што ја иницираше канцеларката Ангела Меркел, се нагласува и дека “мора да и се овозможи на опозицијата да ја одигра својата улога во Парламентот“. Со тоа, на Никола Груевски во Берлин лично му е испорачана пораката дека мора да седне на разговори со опозицијата, за решавање на политичката криза во Македонија, се вели во денешното соопштение на СДСМ:

„СДСМ оценува дека иницијативата на Германија со којашто се реафирмираше заедничкиот интерес сите земји од Западниот Балкан да станат дел од Европската Унија е многу корисна за Македонија и за целиот регион. Ја поздравуваме завршната декларација од средбата во Берлин, во којашто со право, од целиот регион, се очекува вистински напредок и демократска иднина, базирана на владеење на правото. Во неа конкретно се бара: слобода на медиумите, подобро владеење, независно судство, нулта толеранција за корупција, независни синдикати и економија ослободена од политички влијанија Сите заклучоци во декларацијата од Берлин упатуваат на проблемите во Македонија на коишто укажува опозицијата веќе подолго време.“, стои во денешната реакција на опозицијата.

- Advertising -

Поврзани новости