СДСМ: ВМРО не поднесе ниту еден амандман за спорот со Макпетрол

by Фокус 16:16
16:16

ВМРО-ДПМНЕ го кочи процесот на гасификација, немаат поднесено ниту еден амандман за Законот за решавање на спорот со АД „Макпетрол“ а имаат илјадници за Деловникот за работа на Собранието, реагира СДСМ.

„ВМРО-ДПМНЕ ниту имало ниту ќе има чувство за интересите на граѓаните и државата. Тие знаат само за личен, партиски интерес и затоа во Собрание кочат се што е на дневен ред. Со Законот за решавање на спорот помеѓу  Владата и АД „Макпетрол“ се надминува наследен проблем, настанат во друго време, се со цел да не се развие гасоводниот систем и да бидеме “заробеници” само на една гасна врска и монопол. Решаваме децениски спор со кој ќе се либерализира во потполност пазарот“, велат од СДСМ.

- Advertisements -

Од опозициската партија истакнуваат дека со препораки на Арбитража на Енергетска заедница на ЕУ, по пат на спогодба, се утврдува дека „Макпетрол“ својот дел од 32 милиони евра ќе ѝ го продаде на Владата.

„Со Законот се уредува решавањето на спорот, се решаваат несогласувањата помеѓу страните и тој води кон целосно окончување на постапките кои произлегле од ваквиот спор и дава можност за надминување на несогласувањата и завршување на сите започнати постапки. Во спротивно, спорот ќе заглавеше во судските лавиринти и ќе се кочеше гасификацијата, што можеби е и целта на ВМРО-ДПМНЕ и опозицијата“, истакнуваат социјалдемократите.

Поврзани новости