429
Од опозицискиот СДСМ реагираа на денешната изјава на градоначалникот на град Скопје, Коце Трајановски кој ги осуди протестите на Шарената револуција, бидејќи како што рече, го држеле во заложништво главниот град.
„Скандалозната изјава на Коце Трајановски само го покажува стравот на ВМРО-ДПМНЕ и на Никола Груевски од граѓаните. Десет години Градот Скопје целосно е ставен во функција на болната потреба за раскош и за луксуз на Никола Груевски. Десет години Груевски и ВМРО-ДПМНЕ го уништуваат Скопје. Затоа скопјани се на улиците против режимот на Груевски. Тоа е болката на Груевски и на Трајановски“, пишува во реакцијата на СДСМ.