СДСМ: Сценаријата на Груевски за предизвикување конфликт меѓу граѓаните нема да успеат

by fokus

СДСМ најостро го осудува инцидентот во Битола, во којшто се фрлени молотови коктели кон Музејот на албанската азбука и очекува надлежните органи во најбрзо време да го расветлат случајот.
-Предупредивме дека насилството и омразата поттикнати лично Никола Груевски и поддржани од Ѓорге Иванов водат кон штетни и опасни последици по граѓаните и по Република Македонија. Мнозинството граѓани на изборите на 11 декември се изјаснија против политиките на поделби, изолација, омраза и нетрпеливост на досегашната власт и избраа заеднички живот во едно општество за сите. Оттаму, сценаријата што имаат да предизвикаат конфликт и судир помеѓу граѓаните и да ја продлабочат политичката криза во Македонија со цел да се спасува Никола Груевски со соработниците од одговорност за криминалите – нема да успеат, порачува СДСМ.

Партијата ги повикува граѓаните да останат смирени и да не потпаѓаат на провокациите на, како што вели, исплашената власт во заминување.

Поврзани новости