СДСМ ги повикува сите поединци професионалци и организации сами да се кандидираат за местата главен и одговорен уредник на МРТВ како и за членови на ад хок телото за мониторинг на медиумите во предизборниот период.
– Граѓаните имаат право да ја слушнат вистината, а не само партиски платени лаги. На Р.Македонија и се неопходни фер и демократски избори. Такви избори се невозможни ако медиумите не известуваат објективно и професионално. Заради тоа, МТВ не смее да е телевизија на ВМРО-ДПМНЕ ниту на која било друга партија. МТВ е на граѓаните и СДСМ го почитува и ќе го почитува тоа, порача денеска Шеќеринска.
Ова следува по договорот помеѓу четирите најголеми политички партии, на чело на Јавниот сервис да застане човек предложен од опозицијата 100 дена пред избори.