СДСМ: Потребно е трпение, вакцините против Ковид-19 пристигнуваат наредниот месец

by Fokus 09:58
09:58

Првите вакцини против корона вирусот пристигнуваат наредниот месец, следува процес на имунизација, за конечна победа над пандемијата, велат од СДСМ.

„Трендот на намалување на бројот на новодијагностицирани од корона вирусот, како и на процентот на позитивни од тестираните продолжува, а со тоа се намалува притисокот врз јавното здравство и врз болничките капацитети. Ова се должи на почитувањето на мерки за заштита од корона вирусот од страна на мнозинството граѓани, како и на засилените инспекциски контроли.

- Advertisements -

Намалувањето на бројот на заразени и хоспитализирани не е причина за опуштање, туку напротив, сите треба да продолжиме доследно да ги почитуваме мерките за заштита од корона вирусот. Првите вакцини пристигнуваат во земјата веќе од наредниот месец!

Обезбедени се 800.000 вакцини за цела 2021 година, а првите дози од вакцината на Фајзер ги очекуваме веќе во февруари.  Истовремено, Владата преку два други механизми ќе обезбеди дополнителни дози на вакцини против корона вирусот. Едниот од нив е „Ковакс“ механизмот од каде се очекуваат уште 833.000 дози на вакцини, а како трет механизам се преговорите со земји членки на ЕУ кои се подготвени да отстапат дел од нивните вакцини.

Вкупно, преку сите три механизми во оваа година треба да се обезбеди вакцинација за 1,2 милиони жители на Северна Македонија, односно за околу 60 отсто од вкупното население. Вакцинацијата е последната фаза од борбата против корона вирусот. Институциите се подготвени, следува процес на имунизација на целото население, за конечна победа над пандемијата.

Затоа е потребно трпение и дисциплина од секој еден од нас, за што побрзо да се вратиме во нормалните текови на животот“, додаваат од владејачката партија.

Поврзани новости