СДСМ поднесе иницијатива со 67 потписи за продолжување на конститутивната седница

by fokus 12:13
12:13

СДСМ утринава ја поднесе иницијативата за свикување на продолжението на конститутивната седница на Собранието. Генералниот секретар на партијата, Оливер Спасовски, изјави дека за да нема изговори и дилеми околу парламентарното мнозинство, доставиле 67 потписи, иако Деловникот тоа не го налага.

-Со поднесувањето на иницијативата се срушени сите дилеми околу новото парламентарно мнозинство. И покрај тоа што нема законски предвиден рок до кога господинот Трајко Вељаноски треба да одговори, сепак се надеваме дека ќе биде на висина на задачата и одговорноста на својата функција и веднаш ќе ја свика конститутивната седница, која еднаш беше прекината, рече Спасовски.

Тој одговори дека СДСМ се уште нема предлог за претседател на Собранието и дека сите предлози ќе ги разгледуваат дополнително.

Поврзани новости