СДСМ и коалицијата денеска поднесоа барање до Комисијата за прашања на изборите и именувањата во однос на новиот член на Државната изборна комисија, Силвана Бонева. Тие бараат во најкус можен рок да им биде доставена на увид факултетската диплома на Бонева.
-Во најкус можен рок барамe да ни биде овозможен пристап кон оригиналната Диплома и Уверение за завршен VII степен стручна подготовка на избраниот член на Државната изборна комисија, Силвана Бонева, стои во барањето на СДСМ.
Исто така, СДСМ бара и увид на документацијата за должината на нејзиното работно искуство по дипломирањето кое е еден од основните елементи за кандидирање и избор на Силвана Бонева на позицијата член на Државната изборна комисија. Имено, според критериумите, се бара петгодишно искуство во струката како правник.