СДСМ го обвини дека Мицкоски дека се однесува срамно и неодговорно

by Fokus 20:26
20:26

СДСМ му порача на ВМРО-ДПМНЕ да бара одговорност во своите редови и особено од лидерот Христијан Мицкоски, бидејќи според нив тој ги рушел државните позиции со Бугарија, во клучен период од евроинтегративниот процес на државата.

-Во период важен за евроинтеграцискиот процес на државата, Мицкоски и ВМРО-ДПМНЕ ги поткопуваа државните позиции, поддржаа Резолуција со ставови на Бугарија, ширеа лажни вести и деструкции.Ја плашеа јавноста со наводно распродавање на македонскиот јазик, македонскиот идентитет и историја, лажеа за некаква асимилација и бугаризација на државата.

Додека ВМРО-ДПМНЕ шири лаги, се однесува срамно, неодговорно и недозволиво, Владата предводена од СДСМ ги заштитува државните и националните интереси.Во решавањето на прашањата со Бугарија, не се отстапува од црвените линии кои се дефинирани со Резолуцијата усвоена во Собранието од страна на пратениците од сите политички партии.Најмалку што може да направи ВМРО-ДПМНЕ е да им се извини на граѓаните за тешките лаги што ги пласира и да побара одговорност од Мицкоски, реагираат од СДСМ, откако министерот Бујар Османи објави дека за време на самитот во Брисел биле цел на хибридни напади од земјата за да се урне државната позиција.

Поврзани новости