Пред заминување, Никола Груевски сака да зборува за пензиите ама во септември 2016 година кога тој не само што нема да биде премиер туку ќе се соочи и со одговорноста за целокупниот криминал на фамилијата во изминатите 10 години, соопштуваат од СДСМ. ОД таму наведуваат дека во моментов, половина од пензиите во Македонија се исплаќаат на товар на Буџетот затоа што фондот на ПИОМ е пред банкрот а за исплата на пензиите секоја недела Груевски и Ставрески постојано и постојано ги задолжуваат граѓаните со нови долгови.
„Дополнително, лошата состојба е надградена и проширена со невиден грабеж на приватните пензиски фондови, и тоа со знаење на Груевски и Ставрески, што е кривично дело. За ова кривично дело, директорите на ПИОМ и МАПАС, но и кумот Ставрески, ќе се соочат со кривична одговорност од стотици илјади осигуреници од приватните фондови доколку Јавното обвинителство не реагира“- велат во СДСМ.