Македонскиот јазик во ЕУ, e признат и потврден, еднаш, засекогаш на исто рамниште со сите јазици во Унијата. Со потпишувањето на договорот Фронтекс е направен историски исчекор. Тоа е првиот документ со Европската унија на официјален македонски јазик, чист, без фусноти, без ѕвездички и додавки, се вели во соопштението од СДСМ.
Од партијата наведуваат дека договорот е одобрен од сите 27 членки, на него, заедно со македонскиот јазик стојат имињата и јазиците на сите земји членки на ЕУ, вклучувајќи ги Грција и Бугарија.
Исполнет е сонот и аманетот на Блаже Конески, на сите дејци коишто во минатото се бореле и давале придонес за афирмацијата на македонскиот јазик.
Државата и владата на СДСМ успеаа да се изборат за македонски јазик признат и потврден од сите, се вели во соопштението.