Сашо Стошевски e нов директор на општата болница во Куманово

Сашо Стошевски е назначен за нов директор на Општа болница Куманово.

Стошевски минатата година беше назначен за директор на Фондот за здравствено осигурување во Куманово. Тој беше и член на Советот на Општина Куманово од редовите на ВМРО-ДПМНЕ.

На функцијата директор на кумановската болница доаѓа откако вчера министерот за здравство Арбен Таравари ненадејно го разреши Стефан Трајановски.

Одлуката за разрешување на Трајановски, како што рече Таравари вчера, е поради постоење индиции за лекарска грешка во случајот со 32-годишниот Ведат Адеми кој почина во установата.