Сашо Сенков е ослободен од обвинението за обид за убиство врз Села

by fokus 12:30
12:30

Поради новата снимка која се презентираше како доказ за обидот за убиство врз пратеникот Зијадин Села за време на крвавиот упад во Собранието на 27 април минатата година, обвинителот во случајот побара да се измени обвинителниот акт.

Според новиот обвинителен акт, кој обвинителот денеска го прочита пред судот, обвинетиот Сашо Сенков е ослободен од обвинението врз база на анализа на новите докази.

- Advertisements -

Во обвинението е преквалификувано делото и за обвинетите Стојан Павлески – Кобра и за Цане Георгиевски, кои наместо за обид за убиство, сега се товарат за насилство.

Постапката против останатите обвинети Кире Георгиевски, Оливер Ошавковски, Николче Димитриевски, Александар Јаневски – Тошта, Андреј Мицов, Никола Војминовски и Коста Делов, продолжува без измени во обвинителниот акт и тие се товарат за обид за убиство.

Откако обвинителот кажа дека за нив нема преквалификација, на Тошта му се слоши и тој падна во судница.

Поврзани новости