Незаменливиот стартер во одбраната на Манчестер Јунајтед, Крис Смолинг направи интересна изјава во врска со дуелите од четвртфиналната фаза на Лигата на шампионите, кои претстојат за „црвените ѓаволи“ против Барселона.
Малку на шега, малку сериозно, централниот дефанзивец се закани дека ќе ја сопре суперѕвездата на „каталонците“, Лео Меси, кој се наоѓа во феноменална форма.
Со насмевка на лицето, тој рече дека знаел која е слабата точка на Меси.
– Меси има слаба точка, за која само јас знам! Светот не е запознаен со неа и затоа нема да ја споменам, изјави тој, цитиран од англиските медиуми.
Неговиот коментар предизвика многу шеги на интернет, а повеќето од корисниците се согласија дека најмногу што дефанзивецот на Јунајтед може да направи е пенал.