Русија условува: Тргнете ги санкциите за да ги отвориме пристаништата за жито

Доколку Русија го послуша апелот на Обединетите нации за отворање пристап до пристаништата на Црното Море, тогаш треба да се размислува за укинување на санкциите против Русија, соопшти денеска руското Министерство за надворешни работи.

Украина, како еден од најголемите светски производители на житни култури, извезуваше најмногу стоки преку своите поморски пристаништа, но откако Русија ја испрати својата војска во Украина, таа беше принудена да извезува со воз или преку малите пристаништа, потсетува „Ројтерс“.

Во средата, шефот на ОН за храна Дејвид Бисли го повика рускиот претседател Владимир Путин да ги отвори пристаништата „ако воопшто има срце“.