Руската влада додаде 11 британски прекуморски територии на листата на непријатели, соопштено е денеска од владината канцеларија во Москва.
„ Уште 11 британски прекуморски територии се додадени на списокот на територии кои ги поддржаа британските санкции против Русија. Тоа се Бермуди, Британската Антарктичка Територија, Фолкландските Острови, Монтсерат, Островите Питкерн, Британската територија на Индискиот Океан, потоа Сент Хеленс, Асцензија и Тристан да Куња, потоа Јужна Џорџија и Јужните Сендвич Острови, Акротири и Декелија, Туркс и Кајокс, Кајманските Острови“, се вели во соопштението, пренесе ТАСС.
Преостанатите три територии под британска контрола – Ангвила, Британските Девствени Острови и Гибралтар – беа вклучени во списокот претходно.
„ Затоа, сите 14 британски прекуморски територии сега се на списокот на непријатели“, истакнуваат од руската влада.