Ротвалјер нападнал 13-годишно девојче и нејзиниот татко во Карпош

Тринаесетгодишно девојче и неговиот татко биле нападнати од ротвалјер во скопската населба Карпош, информираа од МВР.

Според полицијата, вчера во 22,30 часот во Секторот за внатрешни работи Скопје било пријавено дека на улицата „Митрополит Теодосиј Гологанов“ во паркот за кучиња во населбата Карпош, 13 годишно девојче, кое било со нејзиниот татко Д.Д.(43), било каснато од куче–Ротвајлер, водено од женско лице. Девојчето се здобило со тешки телесни повреди, а нејзиниот татко кој се обидувал да го оттргне кучето се здобил со телесни повреди. На повредените им е укажана лекарска помош во Комплексот Клиники “Мајка Тереза“.