Родителите на убиените момчиња во Смилковско обвинија дека се играат матни игри по одложување на денешното рочиште

by fokus 10:53
10:53

Откако им беше соопштено дека денешното рочиште во случајот Монструм се одложува поради боледување на судијата, родителите на убиените деца жестоко реагираа во судница, обвинувајќи дека се играат матни игри и дека намерно се одложува сведочењето.

-Претходно се разболе судијата Ивица Стефановски и го легнавте во кревет, кога требаше да се соопшти пресудата, но прво се чекаше ВМРО- ДПМНЕ да направи влада со ДУИ, а сега се разболе судијата Шабани. Продолжувате со истите игри од преходно, револтирано реагираа родителите.

- Advertisements -

Горан Наќевски повторно прстот го впери кон премиерот Зоран Заев, кој како што потсети, им ја ветил вистината.

-Вие ни ја ветивте вистината ама тука има еден центар на моќ кој управува со судот. Предлагам да ги сослушате мајките за да ви кажат што им ветувал Заев. Ние веруваме дека ова е контролирано од тој центар и шесте функционери на ДУИ, кои се кријат како државна тајна, реагираше Наќевски.

Судијата Ставрев ги убедуваше дека тие не се под никаква контрола.

-Нема никакви игри. Мислите мене ми е лесно, но виша сила е што се разболел колегата, истакна судијата Ставрев.

Наредното рочиште е закажано за 22 август кога конечно треба да сеслушне сведочењето на загрозениот сведок.

В.В.

Поврзани новости