Река денес во Тетово, Силјановска во Крива Паланка, а Пендаровски во Гевгелија

Кандидатот за претседател Блерим Река, кој е ја има поддршката од Беса и Алијансата за Албанците, денеска ќе го одржи централниот митинг во Тетово. 

Кандидатката поддржана од ВМРО-ДПМНЕ Гордана Силјановска Давкова ќе ја промовира својата претседателска кандидатура во Кратово и Крива Паланка, додека Стево Пендаровски, кој е поддржан од СДСМ и коалицијата ќе ги посети граѓаните во Валандово, Дојран, Богданци, а во Гевгелија ќе се одржи отворена граѓанска трибина.

Кампањата за првиот круг од изборите е при крај, официјално почна на 1 април, ќе трае до 19 на полноќ, по што следува 24-часовен изборен молк. Во недела на 21 април гласачите ќе излезат на избирачките места и ќе гласаат во првиот круг од претседателската трка.