Референдум „за“ или „против“ работа на рудниците и во Валандово

by Fokus

Советот на општина Валандово вчера вечер ја поддржа иницијативата на подносителот на барањето за одржување на референдум во Валандово каде граѓаните ќе се изјаснат дали се за или против работењето на рудниците во Казандол и Башибос.

Сепак Советот ја одложи уште за најмалку три дена одлуката за референдумско изјаснување.

Ваквата одлука валандовскиот Совет ја донесе поради потребата од консултации на претседателот на Советот со Закононодавно-правната комисија за правната издржаност на одлуката, пренесе МИА.

Подносителите на барањето за референдум, сепак се резервирани во однос на одлуката бидејќи по три дена истекува и мандатот на градоначалникот и советниците поради што сметаат дека локалната власт си купува време за да не се изјасни по барањето за референдумот.

Во Гевгелија граѓаните веќе одржаа референдум и се изјаснија против отварањето на рудниците, додека општина Дојран и општина Богданци исто така донесоа одлуки да се одржат референдуми на 18-ти и 11-ти јуни.

Поврзани новости