Речиси два часа трае средбата меѓу Заев и Мицкоски

Речиси два часа поминаа откако почна средбата меѓу премиерот Зоран Заев и претседателот на ВМРО-ДПМНЕ, Христијан Мицкоски.

Во фокусот на разговорите е Законот за јавно обвинителство, а според ВМРО-ДПМНЕ ќе се разговара и за предвремени избори што биле и услов за лидерската средба. Од Владата пак велат дека за предвремени избори ќе се види на лице место.

Покрај Заев и Мицковски, на средбата се присутни и министерката за правда Рената Дескоска и претставниците на работните групи од СДСМ и ВМРО-ДПМНЕ.