Кандидатот за премиер на Косово, Рамуш Харадинај, по објавувањето на првите прелиминарни изборни резултати на телевизијата Клон, изјави дека новата влада ќе биде формирана на време.
Харадинај, кој е кандидат на Демократската партија на Косово, Алијансата за ново Косово, Иницијативата за Косово и десет други партии изјави дека победата на коалицијата е убедлива.
„Косово го положи испитот. Честитки за изборите, Косово“, рече Харадинај, оценувајќи дека овие избори се најдобро организирани досега на Косово.
Победничката коалиција ги повика своите сопартијци и симпатизери да ја прослават победата на плоштадот Скендербег во центарот на Приштина.
Од друга стара, лидерот на Демократскиот сојуза на Косово, Иса Мустафа, ја обвини телевизијата Клан дека е извршител на волјата „клан на темнината“ и оцени дека излезните анкети на телевизијата се „невистинити и нарачани“ и дека целта е да „влијаат на резултатите пред соопштувањето на првичните резултати на Централната изборна комисија.