Рама против Косово: „Отворен Балкан“ не е српска игра

by fokus

Албанскиот премиер Еди Рама, чиј нов владин кабинет треба да биде изгласан денеска, при презентацијата на владината програма повторно ја критикуваше Приштина што не се приклучила на иницијативата „Отворен Балкан“.

-„Отворен Балкан“ не е игра на Србија. Отворен Балкан не е руски или кинески заговор за заживување на Југославија. Тоа не е отстапување од интеграцијата. Сето ова се приказни на гугл, со непријател кого Косово, Албанија, конечно го победија како непријател во вистинската војна со топови и пушки, благодарение на САД и најголемите европски сојузници – порача Рама.

Според него, одлуката на Приштина е избрзана. Како што вели тој, сагата за конфликтот Косово-Србија никогаш не се затвора со изолација, туку само со отворање и пристапување кон проблемот.

-Косовските власти треба да ја донесат одлуката, додека наше е само да ги почитуваме. Сепак, албанските власти одлучуваат за Албанија и тие мора да ги почитуваат нашите одлуки. Ако не ни се допаѓаат одлуките, треба да разговараме за нив, но никогаш да не ги прогласуваме за предавници, проруси и просрби, оние кои размислуваат поинаку, играјќи со незнаење – порача Рама.

Поврзани новости