Рама: „Отворен Балкан“ е идеја за иднината

Албанскиот премиер Еди Рама денеска изјави дека иницијативата „Отворен Балкан“ е идеја за иднината и дека обединувањето на Албанците ќе се прави со такви идеи и алатки, а не со „гласови од минатото“.

Во исто време, Рама рече дека сите оние кои го вртат часовникот наназад всушност се залажуваат, одговарајќи на коментарот на Фејсбук во кој еден негов следбеник напишал дека се согласува со неговата политика, освен со иницијативата „Отворен Балкан“, известува Газета Експрес.

Премиерот на Албанија рече дека часовникот на историјата оди нанапред, а иницијативата „Отворен Балкан“ го потврдува тоа.