Рама: Од Макрон добив повеќе од охрабрувачки зборови за почеток на преговори со ЕУ

by fokus 12:52
12:52

Албанскиот премиер и лидер на Социјалистичката партија, Еди Рама, на денешната средба со парламентарната група на партијата, информирајќи за средбата со францускиот претседател Емануел Макрон, рече дека добил силна поддршка и позитивни зборови и оти по таа средба е пооптимист од претходно.

– Вчера бев во Париз за да ги продожам тешките, но можни дипломатски напори за убедување на секоја земја членка на ЕУ, на нашата земја, кон крајот на  јуни да и се даде она што го заслужува,почеток на преговори со ЕУ. Може да ви кажам дека од претседателот Макрон добив повеќе од охрабрувачки зборови за Албанија, изјави Рама.

- Advertisements -

Посочи дека се постигнати добри резултати во борбата против корупцијата, реформата во правосудството, ветингот, соработката со француската полиција за азилантите.

-Макрон рече дека во тек е  процесот на донесување одлуки, бидејќи нема врска со Албанија и со Македонија, туку е поширока тема на проширувањето на Европа, која бара длабоко размислување. Сега по средбата со него сум пооптимист, но се уште има недели и работа која треба да се направи, нагласи Рама.

Тој додаде дека сеуште продолжува „борбата“ со некои земји на ЕУ, кои се скептични во врска со постигнувањата на Албанија и кои се „против членството на Албанија во ЕУ“.

Поврзани новости