Рама: Албанија беше Северна Кореја во Европа

Албанскиот премиер Еди Рама во интервју за француски медиум се задржал на отворањето на преговорите за членство на Албанија во Европската унија, оценувајќи при тоа дека „тоа е суштински чекор за Албанија, која долго време била под комунистички режим”.  

„До сега не познававме правна држава, држава направена исклучиво за граѓанинот, каде судијата е судија, а власта е правилно поделена. Ова е разликата. Освен тоа, Албанија беше најизолирана од комунистичките земји. Немавме никакви односи и размени дури и со земјите од Истокот кои некогаш припаѓаа на комунистичкиот блок. Ние бевме Северна Кореја во Европа. Ова е многу длабока фундаментална промена“, изјавил Рама, пренесува АБЦ њуз.