Радев ќе му го даде мандатот прво на Петков

Претседателот на Бугарија Румен Радев по консултациите со најмалата партија во Народно собрание „Преродба” изјави дека политичките консултации се завршени и дека првиот мандат за формирање на новата влада во рамките на овој парламент ќе му го предаде на најголемата политичка сила во него „Продолжуваме со промената”.

Но, Радев не прецизираше на кој ден тоа ќе се случи.

Тој вечерва заминува за Мадрид на самитот на НАТО, каде ќе биде до 30 јуни.