Работењето од далечина ќе биде дефинирано во новиот закон за работни односи

by fokus 15:19
15:19

Нов закон за работни односи кој се очекува да биде донесен следната година, стабилен пензински фонд и раст на минималната плата и на пензиите, вети денеска новата министерка за труд и социјална политика Јагода Шахпаска.

Законот за работни односи рече дека ќе биде донесен по широка, сеопфатна дебата со сите засегнати страни. Во него јасно ќе бидат дефинирани сезонската работа, синдикалното организирање и работата од далечина која се наметна како нов тренд со пандемијата од Ковид 19.

- Advertising -

– Важечкиот закон е донесен далечната 2005 година и според сознанијата до кои дојдов од контактите со секторот труд досега претрпел 24 измени што значи дека веќе е дојден период кога треба да донесеме нов закон за работни односи кој ќе ги отсликува состојбите на современото време. Веќе во среда ја закажав првата седница на работната група која работела на измените на Законот во мандатот на претходните министри и започнуваме да работиме на овој закон, рече Шахпаска.

Поврзани новости