ПСЖ е прв полуфиналист во Лигата на шампиони по победата над Аталанта со пресврт

by Фокус

Вечерва на стадионот „Да Луж“ во Лисабон се одигра првото четвртфинале на завршниот турнир во фудбалската Лига на шампионите, на кое францускиот шампион ПСЖ триумфираше со 2:1 против италијанскиот прволигаш Аталанта.

Италијанскиот клуб дојде во водство во 27-мата минута, кога хрватскиот интернационалец Пашалиќ по додавањето на Запата со еден прекрасен погодок со левата нога го отвори резултатот.

И покрај многуте шанси, францускиот клуб не успеа да постигне гол се до 90-тата, кога Маркињос ја затресе противничката мрежа после асистенцијата на Нејмар.

Целосен пресврт ПСЖ направи три минути подоцна во судиското продолжение, кога Мбапе го пронајде Чупо-Мотинг за поставување на конечниот епилог, што предизвика еуфорија во цел тим, но особено кај тренерот Тухел.

Во полуфиналето на 18-ти август ПСЖ ќе ги одмери силите против подобриот од пресметката Лајпциг-Атлетико Мадрид, кои ќе играат в четврток од 21.00 часот.

Поврзани новости