Протест во 18 часот против одлуката за аболицирање на сите политичари

by Фокус 16:32
16:32

Граѓаните кои се незадоволни од денешната одлука на претседателот Ѓорѓе Иванов да ги прекине сите кривични постапки против политичарите и од власта и од опозицијата денеска во 18 часот ќе излезат на протест, кој го организира граѓанското движење #Протестирам.

Протестот ќе започне пред Специјалното јавно обвинителство во знак за поддршка на ова тело кое требаше да ја донесе правната разврска на политичката криза, а ќе продолжи пред Канеларијата на Иванов, кој со својата одлука практично го укина ова Обвинителство кое беше договорено со Прижинскиот договор.

- Advertising -

-Денешната одлука на Иванов стави крај на Пржинскиот договор и крај на надежта за правда и решавање на политичката криза.
Кога правдата е загушена, улиците не смеат да бидат мирни! Се гледаме денес во 18:00 пред канцелариите на Специјалното јавно обвинителство да покажеме поддршка, а од таму ќе се упатиме кон канцеларијата на Претседателот. Нема правда, нема мир!, стои во повикот за протест.

Поврзани новости