Протест пред Собрание: Спасов не е единствен виновник за смртта на Мартин

Демонстрантите стигнаа пред Собрание каде го продолжуваат протестот против власта која го криела убиството на Мартин Нешковски, односно измислила дека Игор Спасов е приватно на прославата на ВМРО ДПМНЕ, а не како што навистина бил ангажиран- како полицаец.

Говорниците истакнаа дека Спасов не е единствениот виновник за смртта на Мартин, туку постои и кривична, и политичка и морална одговорност кај другите, пред се неговите претпоставени и кај министерката Јанкуловска и премиерот Груевски.